Shukadev Rishi Ki Kahani
 |
| Shukadev Rishi |
Ek shukadev rishi the. ve shree vedavyaas ke putra the. ek din ve deeksha lene ke uddeshy se raaja janak jee ke paas mithila nagaree mein gae. raaja janak ne kaha ki shukadev kal subah naam doonga. unake thaharane kee vyavastha alag bhavan mein kar dee. ek sundar yuvatee ko Shukadev rishi jee kee seva mein pareeksha lene ke uddeshy se bheja. yuvatee shukadev jee ke palang par pairon kee aur baith gaee. rishi jee ne pair sikodakar aur mod liye. yuvatee shukadev rishi jee ke or nikat huee to uthakar khade ho gaye. kaha ki he bahan! aap achchhe ghar kee betee dikhaee detee ho. krapa kamare se baahar jaain, nahin to main chala jaata hoon. ladakee chalee gaee. raaja janak se bataaya ki suchcha vyakti hai. aise-aise hua. subah raaja janak jee ne rishi shukadev jee se poochha ki aapase milane stri aaye thee, aapane use angikaar na karake achchhe sanyam ka pradarshan kiya hai. aap sanyamee vyakti hain. dhany hain aapake maata-pita.
Shukadev Rishi Se Shreshth The Kabir Ji Ke Vichar
Kabeer Saheb jee ke vichar inase bhee uchch tatha shreshth hain. ve kahate hain ki rishi shukadev bhee aatmagyaanee nahin tha kyonki jab yuvatee shukadev rishi ke palang par baithee to shukadev ne use stree ko apane shareer se chhoone nahin diya aur khada hokar baahar jaane kee taiyaaree kar dee. isase spasht hai ki shukadev jee ko aatm gyaan nahin tha. vichar karen ki yadi yuvatee ke sthaan par yuvak baith jaata to shukadev jee kya karate ve usase kushal-mangal poochhate aur palang chhodakar khade nahin hote. kahate ki bhaiya! palang ek hee hai, aap palang par vishraam karo, main neeche prthvee par aasan laga leta hoon. yadi yuvak sabhya hota to kahata ki nahin rishi jee! aap palang par viraajo, main prathvee par vishraam karoonga. parantu yuvatee hone ke kaaran rishi shukadev ko kaam dosh ke kaaran bhay laga. kabir Saheb jee ne bataaya hai ki stri tatha puroosh aatma ke upar do vastra hain. jaise gita adhyaay 2 shlok 22 mein kaha ki he arjun! jeev shareer tyaagakar naya shareer dhaaran kar leta hai, ise mratyu kahate hain. yah to aisa hai jaise manushy puraane vastra tyaagakar nae pahan leta hai. isalie aatm tatv ko jaan.
Udharan :- ek nagar mein svang mandalee aaye. kaye din saang kiya. puraane jamaane mein saang ke natak mein puroosh hee stree ka abhinay kiya karate the. ek ladaka apane saathee ke saath pahalee baar saang dekhane gaya. saang mein ek ladake ko ladakee ke vastra pahana rakhe the. chhaatee bhee yuva ladakee kee tarah bana rakhee thee. pratham baar gaye ladake ne apane saathee (jo kaye baar saang dekh chuka tha) se kaha ki dekh kitanee sundar ladakee hai. saathee bola, yah ladakee nahin ladaka hai. parantu pratham baar gaya ladaka maanane ko taiyaar nahin. usako apane mitra kee baaton par vishvaas nahin ho raha tha. saang ke samaapt hone ke pashchaat saangee apane us sthaan par gae jahaan thahare hue the. donon ladake bhee unake saath vaheen gaye. us ladake ne jo ladakee ka svaang banae hue tha, apane stree vaale vastra utaarakar khuntee par taang diye. chhaatee se banaavatee dudhee utaarakar baig mein daal dee. kachchhe-kachchhe mein snaan karane chala gaya. yah dekhakar naye darshak ko vishvaas hua ki vaastav mein yah ladaka hai. agale din us ladake darshak ko vah ladakee ke vesh mein ladake mein ladakee vaalee maleen vaasana dil mein nahin aaee. use ladaka dikhaee de raha tha. isee prakaar yadi Shukadev rishi ko adhyaatm vivek se aatm gyaan hota to usase stri nahin aatma roop mein puroosh samajhakar kahata ki aap palang par viraajo, main prthvee par vishraam karata hoon. saadhu, sant, phakeer is vichardhara se jeevan jeete hain. saadhana karake moksh praapt karate hain.
إرسال تعليق