Saphal Jeevan Ke Liye Ekmatra Yahi Rasta Hai

Saphal Jeevan Ke Liye Ekmatra Yahi Rasta Hai ~ Mission Bhakti

Saphal Jeevan - Is duniya mein bhuchar, jalchar aur nabhchar- 3 prakar ke jeevadhari paye jate hain, parntu paramatma ne inme se manushy ko hi sochane- vicharane ki shakti aur buddhi di hai. isake chalte hi vah samast praniyon mein shreshth mana jata hai. maharshi vedavyas ne mahabharat mein likha hai- yah param rahasy ki bat hai ki duniya mein manushy hi sarvashreshth hai.

Lekin manushy yoni mein janm lene se hi koyi manushy nahi ban jata, isake liye use shikshit evam sanskritik hona padta hai. keval shiksha prapt karne se hi koyi vyakti manushy nahi ban sakta. manavata pane ke liye use apni manasik pravrttiyon ko parishkrit karana hota hai. paramatma ne manushy ko karm karne ke liye 3 mukhy sadhan- man, vani aur body di hai. manushy apne man mein jo vichar karta hai, vahi vani se kahata hai. vani se jo kahata hai, vahi body se karta hai. vani aur body dawara kiye jane vale karmon ko niyamit karne ke liye man par niyntran karen. indriyon ke karya mein saphal hone ke liye man ka sahayog anivary hai. hamara man bada chnchal hai. isi vishay mein kabir saheb ji ne kaha hai.

Man ke mate na chaliye, man ke mate anek.
Mo man par asvar hai, so sadhu koi ek..

Manushy man ke vashibhoot hokar vyakti karm indriyon ko rokakar indriyon ke bhog ke liye pravrtt ho jata hai. isase bachane ke liye man ko bure vicharon se hatana chahiye tatha is papi man ko paramatma ki sat bhakti mein lagana chahiye. kyonki bhakti ki shakti se hi insan apne jeevan ko saphal bana sakta hai. 

Manushy mein samast jeev jagat ke liye prem, paropakar ki bhavana ka hona bhi anivary hai. ye sab gun bina guru ke prapt karana sambhav nahi hai. shraddhavan hi gyan prapt karta hai. guru ke prati satkar aur shraddha se aayu, vidya, evam bal ki prapti hoti hai.

Isake sath hi dusaron se bhi prem karna manushy ki pravriti hai. guru ke gyan se hi hraday mein prem tatha shreshth bhavanaen umadane lagati hain, achanak sadgun jagne lagte hain, chehre par prasannta jhalakane lagati hai aur sari dincharya hi badal jaati hai. isake liye anivary hai- nishchal bhav se svayam se aur dusro se prem karen.

Shastra bhi yahi kahte hain ki svayam ke sath-sath sabhi praniyon se prem karo. satya hamare acharan mein utare. jinhone satya ko jeevan mein utara hai aur acharan mein dhala hai, unhin ke karya saphal huye hain. jinhone jeevan bhar ahinsa ka acharan kiya hai, aise vyaktiyo ke prati log vair bhav chhod dete hain. satya vani ka tap kaha gaya hai. satya bolna asan hai. satya sirph bolne bhar se hi nahi, usaka acharan mein bhi hona jaroori hai. kyonki man, vachan tatha svabhav mein sadaiv bhinnata rahane se yog nahi banta. Saphal hone ke liye avashy pade Jeene Ki Rah Book